tushar deshpande IPL 2025 च्या 59 व्या सामन्यात राजस्थान रॉयल्सच्या वेगवान गोलंदाज तुषार देशपांडे याने शानदार सुरुवात करत पंजाब किंग्सला जबरदस्त धक्का दिला. जयपूरच्या सवाई मानसिंग स्टेडियमवर 18 मे रोजी झालेल्या या सामन्यात देशपांडेनं दुसऱ्याच षटकात पंजाबचा सलामीवीर प्रियांश आर्य याला केवळ 9 धावांवर बाद केलं. आर्यने चेंडू कव्हर ड्राइव्ह करण्याचा प्रयत्न केला मात्र तो चेंडू नीट टायम झाला नाही आणि शिमरोन हेतमायरने उजव्या बाजूला झेप घेत अप्रतिम झेल पकडला. देशपांडेनं आर्यला बाद केल्यानंतर त्याला सॅल्यूट देत निरोप दिला आणि जयपूरच्या प्रेक्षकांनी जोरदार आनंद व्यक्त केला. सोशल मीडियावर हा व्हिडीओ प्रचंड व्हायरल झाला आहे.
tushar deshpande टॉस जिंकून पंजाब किंग्सच्या कर्णधार श्रेयस अय्यरने प्रथम फलंदाजीचा निर्णय घेतला होता. पहिल्या षटकात फजलहक फारूकीने 11 धावा दिल्या पण दुसऱ्या षटकात तुषार देशपांडेनं आर्यला बाद करत राजस्थानसाठी पहिली यशस्वी कामगिरी केली. त्यानंतर नवख्या मिचेल ओवेनला केवळ दुसऱ्याच चेंडूवर क्वेना माफाकाने बाद केलं आणि पंजाबची अडचण वाढली. चौथ्या षटकात देशपांडेनं पुन्हा एकदा झटका दिला आणि प्रभसिमरन सिंगला 21 धावांवर माघारी पाठवले. या क्षणी पंजाबचा डाव केवळ 34 धावांवर 3 बाद अशी अवस्था गाठून कोलमडताना दिसत होता.
लेखनाच्या वेळेस पंजाब किंग्सनं 9 षटकांत 3 बाद 88 धावा केल्या होत्या. श्रेयस अय्यर 25 धावांवर नाबाद होता आणि नेहाल वढेरा 29 धावांवर खेळत होता. हे दोघं मिळून डाव सावरायचा प्रयत्न करत होते.
दरम्यान, राजस्थान रॉयल्ससाठी एक दिलासादायक बातमी म्हणजे संजू सॅमसनचं पुनरागमन. गेल्या महिन्यात दिल्ली कॅपिटल्सविरुद्धच्या सामन्यात दुखापतीमुळे मैदानातून बाहेर गेलेल्या संजूने आजच्या सामन्यात पुन्हा कर्णधार म्हणून संघाचं नेतृत्व स्वीकारलं आहे. या मोसमात त्याने 7 सामन्यांत 224 धावा केल्या असून त्याचा स्ट्राइक रेट 143.58 इतका आहे. दुखापतीमुळे काही सामन्यांत तो फक्त इम्पॅक्ट प्लेयर म्हणून मैदानात उतरला होता, तेव्हा रियान परागकडे नेतृत्वाची जबाबदारी होती.
राजस्थानचा संघ जरी प्लेऑफ शर्यतीतून बाहेर गेला असला तरी खेळाडूंची जिद्द आणि सामना जिंकण्याची इच्छा अजूनही तितकीच मजबूत आहे. तुषार देशपांडेसारख्या tushar deshpande खेळाडूंच्या उत्तम कामगिरीमुळे संघाचा आत्मविश्वास टिकून आहे आणि प्रेक्षकांसाठी हा सामना नक्कीच रोमांचक ठरतोय.