pik vima watp महाराष्ट्रातील हजारो शेतकरी अजूनही 2024 खरीप हंगामासाठी मिळणाऱ्या पीक विम्याच्या उर्वरित 75% रकमेच्या प्रतिक्षेत आहेत. बऱ्याच जणांना अगोदर 25% रक्कम मिळाली असली तरी उर्वरित रक्कम अजूनही त्यांच्या खात्यात जमा झालेली नाही. अनेक जिल्ह्यांमध्ये शेतकऱ्यांकडून याबाबत मोठ्या प्रमाणात तक्रारी करण्यात येत आहेत.
25% अग्रीम मिळालं पण 75% अजून का नाही?
शासनाच्या नियमानुसार, काही जिल्ह्यांमध्ये – जसं की नांदेड, परभणी, हिंगोली, बीड – येथे शेतकऱ्यांना सुरुवातीला 25% पीक विमा अग्रीम स्वरूपात देण्यात आला होता. परंतु उर्वरित 75% रक्कम ही “ईल्ड बेस कॅल्क्युलेशन” पूर्ण झाल्यावरच दिली जाते.
ईल्ड बेस म्हणजे काय?
ईल्ड बेस म्हणजे शेतात खरंच किती नुकसान झालं याचा अंदाज शेवटी घेतला जातो. पिकांची कापणी झाल्यानंतर, गावपातळीवर अहवाल तयार केला जातो आणि त्यावरून विम्याची अंतिम रक्कम ठरते. उदा. एखाद्या शेतकऱ्याला हेक्टरी 20,000 रुपये विमा मंजूर झाला पण आधी 5,000 रुपये मिळाले, तर उर्वरित 15,000 रुपये अजून मिळणे बाकी आहे.
pik vima watp वाटप कधी होणार?
हे कॅल्क्युलेशन फेब्रुवारीपासून सुरू झालं असलं तरी मे संपला तरी अनेक ठिकाणी प्रक्रिया पूर्ण झालेली नाही.यामध्ये राज्य सरकार आणि विमा कंपन्यांमधील निधी वाटपाची प्रक्रिया उशिरा सुरू आहे.कंपन्यांना जेव्हा शासनाकडून संपूर्ण रक्कम मिळते, तेव्हाच त्या उर्वरित रक्कम शेतकऱ्यांना देतात.
110% पेक्षा जास्त नुकसान?
ज्या भागात 110% पेक्षा जास्त नुकसान झालं आहे, तिथे पूरक अनुदान म्हणून सरकारकडून आणखी 10% रक्कम विमा कंपन्यांना दिली जाते. उदा. बुलढाण्यात 2023 मध्ये 110% नुकसान दाखवण्यात आलं आणि त्यासाठी 231 कोटी रुपये मार्च 2025 मध्ये मंजूर झाले.
उर्वरित रक्कम मिळण्यासाठी काय गरजेचं आहे?
1. सरकारकडून विमा कंपन्यांना पूर्ण रक्कम मिळणं.
2. ईल्ड बेस कॅल्क्युलेशन पूर्ण होणं.
3. विमा कंपनीकडून शेतकऱ्यांच्या खात्यावर पैसे पाठवणं
निष्कर्ष
pik vima watp शेतकऱ्यांना योग्य वेळी मदत मिळणं ही सरकारची जबाबदारी आहे. अनेक शेतकरी फक्त या पैशांच्या आशेवर पुढचं पिक घेण्यासाठी योजना आखतात. त्यामुळे शासनाने लवकरात लवकर निधी वितरित करून, शेतकऱ्यांच्या खात्यात उर्वरित पीक विमा जमा व्हावा, हीच खरी गरज आहे.