ah-mahabms शेळी, गाई, म्हशी व कुक्कुटपालन अनुदान साठी अर्ज सुरू.

ah-mahabms मित्रांनो, राज्य सरकारच्या पशुसंवर्धन विभागातर्फे सुरू करण्यात आलेल्या नावीन्यपूर्ण योजनांचा लाभ घ्यायचा असेल, तर ही माहिती तुमच्यासाठी खूपच उपयुक्त आहे. शेतकरी, बेरोजगार तरुण, महिला बचत गट, अल्पभूधारक शेतकरी यांच्यासाठी गाय, म्हैस, शेळी किंवा कुक्कुटपालनासाठी अनुदान मिळवण्याची सुवर्णसंधी आहे.

योजनेसाठी ऑनलाइन अर्ज प्रक्रिया 3 मे 2025 पासून सुरू झाली असून, शेवटची तारीख 2 जून 2025 आहे. अर्ज फक्त ah.mahabms.com या संकेतस्थळावरून किंवा संबंधित मोबाईल अ‍ॅप्लिकेशनद्वारे करता येतो.

या योजनेत कोणकोणत्या प्रकल्पांसाठी अनुदान मिळेल?

1. दुधाळ गाई वाटप योजना
   • प्रति गाय ₹70,000 अनुदान
   • 2 गाईंसाठी एकूण ₹1,40,000
   • त्यात 10.20% विमा आणि 18% GST वेगळा
2. म्हशी वाटप योजना
   • प्रति म्हैस ₹80,000 अनुदान
   • 2 म्हशींसाठी एकूण ₹1,60,000
   • त्यावरही विमा आणि GST लागेल
3. शेळी-मेंढी गट वाटप योजना
   • स्थानिक शेळी – ₹6,000 प्रति शेळी
   • उस्मानाबादी / संगमनेरी शेळी – ₹8,000 प्रति शेळी
   • बोकडासाठीही वेगळे अनुदान
4. कुक्कुटपालन योजना
   • 1,000 चौरस फुटांचं पक्षीगृह – ₹2,00,000
   • उपकरणांसाठी ₹25,000
   • एकूण ₹2,25,000 अनुदान

ah-mahabms अनुदान किती टक्के मिळणार?

• SC/ST प्रवर्गासाठी – 75% अनुदान
• सर्वसाधारण प्रवर्गासाठी – 50% अनुदान

उर्वरित रक्कम लाभार्थ्याने स्वहिस्सा म्हणून भरावी लागते.

पात्रता ? ah-mahabms

• अर्जदाराचे वय किमान 18 वर्षे असावे
• रोजगार/स्वयंरोजगार नोंदणी आवश्यक
• शेतकऱ्यांकडे 1 ते 2 हेक्टर पर्यंत जमीन असावी
• महिला बचत गट, दिव्यांग, अनुसूचित जाती-जमातीतील नागरिकांना प्राधान्य
• महानगरपालिका/नगरपरिषद क्षेत्रात राहणाऱ्यांना ही योजना लागू नाही

कागदपत्रे कोणती लागतात?

• आधार कार्ड
• 7/12, 8अ उतारा
• जात प्रमाणपत्र (SC/ST साठी आवश्यक)
• उत्पन्नाचा दाखला
• बँक पासबुक
• फोटो, स्वाक्षरी
• अपत्य दाखला (3 पेक्षा अधिक अपत्य नकोत)
• रोजगार नोंदणी प्रमाणपत्र

अर्ज कसा करायचा?

1. ah.mahabms.com वर जा
2. “अर्जदार नोंदणी” वर क्लिक करा
3. तुमचा मोबाईल नंबर आणि आधार वापरून खाते तयार करा
4. अर्ज भरताना सर्व आवश्यक माहिती भरून फोटो आणि स्वाक्षरी अपलोड करा
5. अर्ज पूर्ण करून सबमिट करा
6. अर्जाचा क्रमांक वाचवून ठेवा
7. निवड झाल्यास SMS द्वारे सूचना येईल

महत्त्वाची सूचना: ah-mahabms अर्ज एकदाच करता येतो आणि तो 5 वर्षांसाठी वैध राहतो. तुम्ही निवडले गेलात, तर त्याच आधारावर लाभ दिला जाईल.

म्हणून मित्रांनो, शेतकऱ्यांसाठी आणि बेरोजगार तरुणांसाठी ही मोठी संधी आहे. शेळी पालन, गाई-म्हशींचा व्यवसाय किंवा कुक्कुटपालन सुरू करून स्वतःचा रोजगार निर्माण करता येईल. योजना वेळेत समजून, योग्य अर्ज करा आणि अनुदान मिळवा!